06, ოქტომბერი 2017 14:05:00
დღეს ევროპის მოედანზე, სოფლის ტურიზმის ფესტივალი „განდაგანა 2017“ 4 საათზე გაიხსნება. ევროპის მოედანზე მოწყობილია დეკორაციები. სტუმრებს ღონისძიების ფარგლებში სხვადასხვა აქტივობები ელოდებათ. გაიმართება სოფლის პროდუქტების გამოფება-გაყიდვა, შეჯიბრებები და მასტერკლასები. 2 დღის განმავლობაში აჭარის ექვსივე მუნიციპალიტეტი კუთხისთვის დამახასიათებელი ხილით, ტკბილეულით, ხელნაკეთი ნივთებითა და ტრადიციებით იქნება წარმოდგენილი. ფესტივალის ფარგლებში მოეწყობა ღვინის სახალხო დაწურვა, რომელიც ერთ-ერთ საოჯახო მარანს გადაეცემა. სოფლის ტურიზმის ფესტივალზე გაიმარტება ფოლკლორული ანსამბლების კონცერტები. „განდაგანა“- წელს მესამედ იმართება და მიზანი მთიანი აჭარის პოპულარიზაცია და მისი წარმოჩენაა.