06, ოქტომბერი 2017 14:03:00
ბათუმში მოქმედ მუზეუმებს კიდევ ერთი შეემატა. იგი ძვირფასი ქვებისა და მინერალების ნახვის საშუალებას იძლევა. აქ თავმოყრილია 106 ექსპონატი თითქმის მთელი მსოფლიოდან. მუზეუმი ეროვნებით თურქმა, დოქტორ ბილალ სემიჰ ბოზდემირმა გახსა. პროფესიით გეოლოგი რვა წელია საქართველოში ცხოვრობს. დაწესებულება ყოველდღე, დილის ათიდან საღამოს ექვს საათამდე მუშაობს. ბილეთის საფასური უფროსებისთვის 7 ლარია, სტუდენტებისთვის შესვლა ნახევარ ფასად არის შესაძლებელი, 12 წლამდე ასაკის ბავშვებისთვის კი ვიზიტი უფასოა. გარდა ძვირფასი ქვებისა და მინერალებისა, აქ შეგიძლიათ გაეცნოთ მუზეუმის დამაარსებლის სამეცნიერო ფსიქოლოგიურ გამოცემებს როგორც წიგნების, ისე ჟურნალების სახით. აქ მალე შესაძლებელი იქნება ძვირფასი ქვებისაგან დამზადებული სამკაულების შეძენაც. დოქტორ ბილალ სემიჰ ბოზდემირის ძვირფასი ქვებისა და მინერალების მუზეუმი ახალი ბულვარის ბოლოს, დავით კაკაბაძის 46 ნომერში მდებარეობს.