30, იანვარი 2017 08:20:00
ამ დროისთვის აჭარის მაღალმთიანეთში აღარ თოვს. თოვლის საფარი დაბაში 70სმ-ს, ხოლო სოფლებში 2 მეტრს შეადგენს. უხვმა ნალექმა პრობლემები შექმნა როგორც გადაადგილების ასევე ელექტროენერგიის მიწოდების მხრივ. გაწმენდილია მხოლოდ დაბისა და ადმინისტრაციულ ერთეულებთან მისასვლელი გზების ნაწილი, სადაც გადაადგილება მხოლოდ მაღალი გამავლობის ტრანსპორტისთვისაა ნებადართული. გამგებლის ინფორმაციით, დილიდან მუშაობს 17 ერთეული ტექნიკა. ელექტროგადამცემი ხაზების დაზიანების გამო დენის გარეშე ამ დრომდე დარჩენილია 500-მდე აბონენტი. დიდთოვლობის გამო მეცადინეობა არ განახლებულა საბავშვო ბაღებში. სასწავლო პროცესი შეწყდა 15 საჯარო სკოლაში.