30, იანვარი 2017 08:19:00
მესამე დღეა თოვს ქედაშიც. თოვლის საფარი მაღალი ზონის სოფლებში ერთნახევარ მეტრს, ხოლო დაბლობში 80 სმ-ს აჭარბებს. ბათუმი-ახალციხის ცენტრალურ საავტომობილო გზის ქედის მონაკვეთზე დაფიქსირდა მეწყერიც, რის გამოც ერთი საათის განმავლობაში გადაადგილება შეზღუდული იყო. მოძრაობა ამ დროისთვის აღდგენილია. უამინდობამ პროლემები შექმნა ენერგო მომარაგებაში. ელექ ტროენერგიის გარეშეა რაჩენილი ათასობით აბონენტი. რაც შეეხება სასწავლო პროცესს - კონტიგენტის გამოუცხადებლობის გამო სააღმზრდელო პროცესი არ შედგა საბავშვო ბაღებში. ასევე, მოსწავლეთა დაბალი სწრებადობის გამო 24 სკოლიდან საგაკვეთილო პროცესი მხოლოდ 14-ში მიმდინარეობს. გამგეობაში ირწმუნებიან, რომ მუნიციპალიტეტში გზები ინტენსიურად იწმინდება.