13, ოქტომბერი 2017 20:06:00
არჩევნებამდე ერთი კვირით ადრე 13 გონიოელს მიწები საკუთრებაში დაუბრუნდათ. გადაწყვეტილება ბათუმის მერიის მიწის აღიარების კომისიამ დღეს გამართულ სხდომაზე მიიღო. საუბარია იმ ოჯახებზე, რომელთა საქმეების ხელახლა განხილვა ბათუმის საქალაქო სასამართლომ კომისიას დაავალა. კომისიის თავმჯდომარე დავით კოპინაძემ განაცხადა, რომ თითოეული შემთხვევა დეტალურად შეისწავლეს. უახლოეს მომავალში დარჩენილი განცხადებების გადახედვაც იგეგმება. სხდომაზე მიწის აღიარების კომიიის თავჯდომარემ თქვა, რომ კულტურული მემკვიდრეობის დაცვის სააგენტო ტერიტორიების საკუთრებაში გადაცემის წინააღმდეგი არ არის. შეგახსენებთ რომ, 2010 წლის 3 დეკემბრის ოქმის საფუძველზე გონიოში 271 მოქალაქეს მიწის საკუთრების უფლება გაუუქმდათ.