16, ოქტომბერი 2017 17:09:00
უხვი ნალექის შედეგად, ქობულეთის მუნიციპალიტეტის რამდენიმე სოფელში მეწყერი განვითარდა. სოფელ აჭყვაში, გზაზე ჩამოწოლილი მიწის მასის შედეგად, 8 ოჯახი ამ დრომდე გარესამყაროსაა მოწყვეტილი. სოფელ ქაქუთსა და ლეღვაში სტიქიამ რამდენიმე საცხოვრებელი სახლი დააზიანა. მოსახლეობა გამგეობისგან დახმარებას ითხოვს. რამდენიმე სოფელში შეწყვეტილია ელექტროენერგიის მიწოდება. ციხისძირსა და ბუკნარში კი შეფერხებაა წყალმომარაგების კუთხით.