16, ოქტომბერი 2017 20:06:00
დღეს ძლიერი წვიმის შედეგად ბათუმში, არდაგანის ტბაში წყლის დონემ იმატა და საფეხმავლო ბილიკზე გადმოვიდა, რის გამოც ზღვაში გამავალი ჯავახიშვილის არხის გაწმენდა გახდა აუცილებელი. დაიტბორა ქალაქში რამდენიმე ქუჩაც. როგორც ბათუმის წყალში აცხადებენ, უწყებაში შესულ ყველა განცხადებაზე რეაგირება მყისიერად განხორციელდა. ძლიერმა ქარმა რუსთაველის ქუჩაზე ბანერი , ხოლო 6 მაისის პარკში მაგნოლიას ხე ძირფესვიანად მოგლიჯა. ამ დრომდე ზღვაზე 5-6 ბალიანი შტორმი ფიქსირდება. სინოპტიკოსები ხვალისთვისაც ძლიერ წვიმას და შტორმს პროგნოზირებენ. გამოდარებას კი ზეგისთვის ვარაუდობენ.