16, ოქტომბერი 2017 20:05:00
ე.წ. ძველი ქსელის აბონენტებს, წყალმომარაგება ერთ საათში აღუდგება. მათ შორის გოროდოკის, მახინჯაურის, განთიადის ბარცხანის და თამარის დასახლებაში მცხოვრებლებს. რაც შეეხება ჩაქვის აბონენტებს, ბათუმის წყალში განმარტავენ, რომ მათ წყალი ხვალ დილის 7 საათიდან უნდა მიეწოდოთ. წყალმომარაგების შეფერხების მიზეზი ჩაქვისა და ჩაისუბნის სათავე ნაგებობებზე წყლის დონის მაქსიმალური ზრდა და ამღვრევა გახდა. წყლის გარეშე ამ დრომდე ბათუმის მასშტაბით, 2 ათასამდე ოჯახი რჩება. ელექტროენერგია უკვე მიეწოდება ქობულეთის, ხულოს და ქედის მუნიციპალიტეტის აბონენტების უმრავლესობას. თუმცა „ენერგო პრო ჯორჯიაში“ ვერ აკონკრეტებენ , რამდენი ოჯახია დენის გარეშე დარჩენილი.