17, ოქტომბერი 2017 14:08:00
ძლიერი წვიმის მიუხედავად, აჭარაში საგანმანათლებლო პროცესი არ შეფერხებულა. როგორც განათლების, კულტურისა და სპორტის სამინისტროში ამბობენ, სკოლებში საგაკვეთილო პროცესი ჩვეულებრივ რეჟიმში მიმდინარეობს, თუმცა სკოლებში მოსწავლეთა სიმცირე შეინიშნება. უწყების საზოგადოებასთან ურთიერთობის განყოფილების უფროსის განმარტებით, ხულოში ღურტას საჯარო სკოლის მიმდებარე ტერიტორიაზე მეწყერი განვითარდა, თუმცა სწავლა არ შეწყვეტილა.