18, ოქტომბერი 2017 14:05:00
როგორ უნდა ებრძოლონ ფერმერები აზიურ ფაროსანას და რას აკეთებს სახელმწიფო მავნებელ მწერთან გასამკლავებლად - ამის გაგება მოსახლეობას მედიაკამპანიის ,,ერთად ვებრძოლოთ აზიურ ფაროსანას“ საშუალებით შეეძლება. პროგრამის ფარგლებში, გადაცემა ,,აგრომობილი“ აზიური ფაროსანის მიერ ყველაზე მეტად დაზარალებულ 4 რეგიონს გურიას, სამეგრელოს, აჭარასა და იმერეთს ესტუმრება. სფეროს ექსპერტები და სოფლის მეურნეობის უწყების წარმომადგენლები ადგილობრივი მცხოვრებლების ყველა შეკითხვას უპასუხებენ და აზიური ფაროსანას წინააღმდეგ საბრძოლველად პრაქტიკულ რჩევებსაც მისცემენ.,,ერთად ვებრძოლოთ ფაროსანას“ კამპანიას ,,ჟურნალისტიკის რესურსცენტრი“ პატნიორ მედიასაშუალებებთან ერთად, აშშ-ის საერთაშორისო განვითარების სააგენტოსა და „საქართველოს თხილის სექტორის განვითარების პროექტის“ მხარდაჭერით ახორციელებს.