09, იანვარი 2017 05:20:00
დღესვე ცნობილი გახდა, რომ აღმასრულებელ ხელისუფლებაში კიდევ ერთი ყოფილი კანონმდებელი დასაქმდება. ავთანდილ ბერიძე მთავრობის აპარატის აჭარის უმაღლეს საბჭოსთან ურთიერთობის დეპარტამენტის ხელმძღვანელად ინიშნება. საკანონმდებლო ორგანოს ყოფილი თავმჯდომარისთვის ახალი თანამდებობის ჩაბარების შესახებ განცხადება ზურაბ პატარაძემ გააკეთა. პოსტი მას შემდეგ გახდა ვაკანტური, რაც დეპარტამენტის ყოფილი თავმჯდომარე, პარმენ ჯალაღონია უმაღლესი საარჩევნო კომისიის თავმჯდომარედ აირჩიეს. ავთანდილ ბერიძეს 2012 წლიდან 2016 წლამდე აჭარის უმაღლესი საბჭოს თავმჯდომარის პოსტი ეკავა.