22, ოქტომბერი 2017 14:09:00
პირველი კომენტარი პირველადი შედეგების გაცნობის შემდეგ. დამაჯერებელი უპირატესობა ამომრჩეველს უკვე მიულოცა „ქართული ოცნების“ ბათუმის მერობის კანდიდატმა ლაშა კომახიძემ. ამბობს, რომ დიდი უპიურატესობით გამარჯვება საშუალებას მისცემს ამბიციური პროექტები დაუბრკოლებლად განახორციელოს. ამ დროის მონაცემებით, ხმათა რაოდენობით, მეორე ადგილზეა „ნაციონალური მოძრაობის“ ბათუმის მერობის კანდიდატი ლევან ანთაძე. დამატებითი კითხვებისაგან ანთაძემ დღეს თავი შეიკავა და საკუთარ ამომრჩეველთან მხოლოდ მადლობით შემოიფარგლა. „ბაქრაძე-უგულავა ევროპული საქართველოს“ ბათუმის მერობის კანდიდატი ფიქრობს, რომ პირველი არჩევნებისთვის შედეგები საკმაოდ მაღალია. პეტრე ზამბახიძე იმედს გამოთქვამს, რომ მომდევნო ჯერზე აღაც საარჩევნო ნომრის იდენტიფიცირების პრობლემა იქნება და ეს შედეგებზეც აისახება. გამოცხადებული ნდობისთვის მადლობას უხდის თავის მხარდამჭერს „ლეიბორისტული პარტიის“ ბათუმის მერობის კანდიდატი ჯელალ ქიქავა. იმედგაცრუებულია, მოლოდინები სხვა ქონდა, თუმცა ამბობს, რომ არჩევნები კენჭისყრის დღეს არ გაყალბებულა.