პირველადი მონაცემებით ბათუმის საკრებულო ოთხპარტიული იქნება. 25 წევრიან წარმომადგნელობით ორგანოში 19 მანდატი „ქართულმა ოცნებამ“ მოიპოვა - მათ შორის 10 მაჟორიტარული 9 კი პროპორციული სისტემით . წინა მოწვევის მსგავდად, ამჯერადაც, 25 დეპუტატს შორის ქალი მხოლოდ სამი იქნება - ნატალია ძიძიგური, ნერიმან ცინცაძე, ნატალია ზოიძე - სამივე მმართველი პარტიიდან. ბათუმის ოლქის მონაცემების თანახმად, 4 პროცენტიანი ბარიერი „ქართული ოცნების“ გარდა კიდევ სამმა პარტიამ გადალახა. საკრებულოში 4 წევრს შეიყვანს “ერთიანი ნაციონალური მოძრაობა,” “საქართველოს პატრიოტთა ალიანსი” და “ევროპული საქართველო'' თითო-თითო წევრს. წინასწარი მონაცემების მიხედვით, ბათუმის საკრებულოს დეპუტატთა სავარაუდოდ სია ასე გამოიყურება: ''ქართული ოცნებიდან'' - სულიკო თებიძე, ირაკლი მიქელაძე, ნერიმან ცინცაძე, ლაშა სირაბიძე, ბესარიონ გოგოტიშვილი, დიმიტრი ჭეიშვილი, დავით მახარაძე, ნატალია ძიძიგური, თამაზ დევაძე. ''ერთიანი ნაციონალური მოძრაობიდან'' მირდატ ქამადაძე, ლევან ანთაძე, ნოდარ დუმბაძე, კახა კუნჭულია. “ევროპული საქართველოდან” - რაულ თავართქილაძე და “პატრიოტთა ალიანსიდან” არჩილ მამულაძე. რაც შეეხება მაჟორიტარებს მმართველი პარტიიდან: თამაზ სალუქვაძე, გოჩა მგელაძე, ნატალია ზოიძე, ანზორ დევაძე, ელგუჯა ანდრიაძე, ზურაბ ნაკაიძე, ირაკლი თოფურიძე, ირაკლი პატარიძე, ომარ მახარაძე, მუხამედ ართმელაძე.
54
s
s
s