31, იანვარი 2017 11:33:00
უბედური შემთხვევა ინასარიძის 14 ნომერში. გარდაცვლილია 75 წლის ქალბატონი და მისი 55 წლის შვილი. ოჯახის წევრები რამდენიმე დღე არ გამოჩენილან, მეზობლებმა კი დასახმარებლად სამართალდამცავებს მიმართეს. შემთხვევის ადგილზე ამ წუთებში საგამოძიებო მოქმედებები მიმდინარეობს. მეზობლების ნაწილის ერთ- ერთი ვერსიით, დედა შვილი გაიყინა, რისი მიზეზიც ელექტროენერგიის გათიშვა გახდა. იმას, რომ შუქი ოჯახს არ მიეწოდებოდა, ენრგო-პროს საზოგადოებასთან ურთიერთობის სამსახურშიც ადასტურებენ, მიზეზად კი თანხის გადაუხდელობას ასახელებენ. შეიძლება თუ არა დენის უქონლობა გარდაცვალების მიზეზი გამხდარიყო, ამაზე ღიად არავინ საუბრობს. კიდევ ერთი ვერსიით დედა-შვილი რამდენიმე დღის გარდაცვლილია. ფაქტზე გამოძიება 115 -ე მუხლით დაიწყო.