08, ნოემბერი 2017 14:07:00
ადგილობრივი თვითმმართველობის არჩევნების შედეგად არჩეული მერები 12 ნოემბრიდან უფლებამოსილების განხორციელებას იწყებენ. 21 ოქტომბრის მერის არჩევნების პირველი ტურის შედეგად 64-დან არჩეულია 58 მერი. არჩევნების მეორე ტური 12 ნოემბერს, 6 საარჩევნო ოლქში გაიმართება. თვითმმართველობის არჩევნებზე აჭარის 6-ივე მუნიციპალიტეტში გამარჯვება „ქართული ოცნების“ კანდიდატებმა მოიპოვეს. ზუსტად 4 დღეში ბათუმის მართვას ლაშა კომახიძე გადაიბარებს, ქობულეთის მერის პოსტზე მუშაობას მირიან ქათამაძე შეუდგება, ხელვაჩაურში ჯუმბერ ვარდმანიძე, ქედაში ლევან გორგილაძე, შუახევში ფრიდონ ფუტკარაძე და ხულოში გოჩა მელაძე. 21 ოქტომბერს საქართველოს მოქალაქეებმა ქვეყნის მასშტაბით 64 საკრებულოს 2058 დეპუტატი და 64 მერი პირდაპირი წესით, 4 წლის ვადით აირჩიეს.