“ერთიანი ნაციონალური მოძრაობა” აქციებს აანონსებს. პარტიაში ვარაუდობენ, რომ დევნილებისთვის 45 ლარიანი დახმარების შეწყვეტის შემდეგ, კითხვის ნიშნის ქვეშ დგება მათი, როგორც იძულებით გადაადგილებულ პირთა სტატუსი. საკითხის განხილვის შეწყვეტის მოთხოვნით ოპოზიციის წარმომადგენლებმა დღეს ხელმოწერების შეგროვებაც დაიწყეს. დევნილები საქართველოს პრემიერ-მინისტრს მიმართავენ და ითხოვენ, არ შეუწყდეთ არსებული დახმარება. „ნაციონალური მოძრაობის“ ლიდერები დღეს ბათუმში მცხოვრებ დევნილებს შეხვდნენ. თუკი სასურველი შედეგი არ მიიღწევა, ამბობენ, რომ პროტესტი უფრო მძაფრ ფორმებს მიიღებს. დევნილებს, აღნიშნულის გარდა, საცხოვრებელი ფართების დაკანონების პრობლემაც აქვთ. მათი ნაწილი საცხოვრებლის იურიდიულად დაკანონებას 2006 წლიდან ელოდება. „ნაციონალური მოძრაობის“ წევრები, საკითხთან დაკავშირებით, საკუთარ პასუხისმგებლობას აღიარებენ. დევნილებს უპასუხეს ფინანსთა და ეკონომიკის სამინისტროში.
3
s
s
s