05, დეკემბერი 2017 17:07:00
ამ დრომდე სტაბილურად მძიმე მდგომარეობაში რჩება, გუშინ სამშენებლო ობიექტზე დაშავებული მამაკაცი- ინფორმაციას მედიკოსები ავრცელებენ. პაციენტს ქალა ტვინის დახურული ტრავმა აღენიშნება. იგი ამ დრომდე რეანიმაციულ განყოფილებაში რჩება. მამაკაცი რეფერალურ საავადმყოფოში გუშინ ღამით მიიყვანეს. შემთხვევა "ორბი გრუპის" სამშენებლო ობიექტზე მოხდა. თვითმხილველების თქმით, სამუშაოების შესრულების დროს მძიმე ტექნიკა გადაბრუნდა, რა დროსაც მძღოლი ტექნიკის ქვეშ მოყვა. ადგილზე მობილიზებული იყო სასწრაფო, სამაშველო და საპატრულო პოლიციის წარმომადგენლები. ფაქტზე შსს-ში საქმე 240-ე მუხლითაა აღძრული, რაც გულისხმობს უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება.