05, დეკემბერი 2017 20:03:00
აჭარის განათლების, კულტურისა და სპორტის სამინისტროში სამინისტროსა და ამერიკის შეერთებული შტატების საელჩოს თავდაცვის სფეროში თანამშრომლობის სამსახურს შორის ურთიერთთანამშრომლობის მემორანდუმი გაფორმდა, რომლის ფარგლებშიც აჭარის ტერიტორიაზე არსებული საჯარო სკოლების რეაბილტიაცია განხორციელდება. დოკუმენტს ინგა შამილიშვილმა და აშშ საელჩოს თავდაცვის სფეროში თანამშრომლობის სამსახურის წარმომადგენელმა მაიორმა კვენტინ დოლიმ მოაწერეს ხელი. მემორანდუმის ფარგლებში აშშ საელჩოს თავდაცვის სფეროში თანამშრომლობის სამსახური იღებს ვალდებულებას ქვეკონტრაქტორების მეშვეობით განახორციელოს სსიპ ქობულეთის მუნიციპალიტეტის სოფელ ზედა კვირიკესა და სსიპ ქედის მუნიციპალიტეტის სოფელ ძენწმანის საჯარო სკოლების რეაბილიტაცია.