06, დეკემბერი 2017 14:05:00
საქსტატის ინფორმაციით, ნოემბერში ქვეყანაში ინფლაციის დონე 1,1 პროცენტით გაიზარდა. რიცხვი წინა თვის მაჩვენებელთანაა შედარებული. წლიური ინფლაციის დონემ კი 6,9 პროცენტი შეადგინა. სურსათსა და უალკოჰოლო სასმელებზე ფასები ოქტომბრთან შედარებით 0,8 პროცენტით გაიზარდა, ხოლო წინა წლის ანალოგიურ მაჩვენებელთან მიმართებით, ღირებულება 7.5 პროცენტითაა მომატებული. ალკოჰოლურ სასმელები წინა თვესთან შედარებით 1.7 პროცენტითაა გაძვირებული, ხოლო წინა წელთან შედარებით 19.4 პროცენტით. ფასების მატება დაფიქსირდა თამბაქოს ნაწარმზე ოქტომბერთან შედარებით 1,9 პროცენტით, ხოლო წინა წელთან შედარებით 40.4 პროცენტით. რაც შეეხება ტრანსპორტს, აქ ფასები წინა თვესთან შედარებით 2.8 პროცენტით გაძვირდა, ხოლო წინა წელთან შედარებით 15.8 პროცენტით.