03, თებერვალი 2017 11:27:00
ჩაქვის გვირაბში გაჩენილი ხანძრის საქმეზე გამოძიება სისხლის სამართლის კოდექსის 187-ე მუხლის მეორე ნაწილით დაიწყო, რაც ნივთის დაზიანებას გულისხმობს. შემთხვევის შედეგად, სატვირთო სრულად დაიწვა. განადგურდა ავტომობილში დატვირთული სამშენებლო მასალები. დაზიანდა გვირაბში არსებული საკომუნიკაციო ქსელიც. მსხვერპლი არ არის, მანქანაში მყოფი პირების ჯანმრთელობას საფრთხე არ ემუქრება. ხანძრის ლოკალიზებისთვის მეხანძრე-მაშველებს თითქმის ერთი საათი დასჭირდათ. ცეცხლის გამომწვევი მიზეზი, სავარაუდოდ, ავტომობილის ტექნიკური გაუმართაობა გახდა. შექმნილი ვითარების გამო, გვირაბის ერთი ნაწილი სატრანსპორტო საშუალებებისთვის რამდენიმე საათით ჩაკეტილი იყო.