წყალზე სამაშველო სამსახურის თანამშრომლების გამაფრთხილებელი აქცია. ისინი ოთხი თანამშრომლის გათავისუფლებას აპროტესტებენ. მაშველები, რომლებიც სამსახურიდან მარიხუანას მოწევის გამო დაითხოვეს, ირწმუნებიან, რომ 25 დეკემბერს თანამშრომლის ქორწილში იახტის მფლობელმა მათ მარიხუანა მოტყუებით მოაწევინა და ისინი ნარკოტიკული საშუალების მომხმარებლები არ არიან. ოთხივე პირი შინაგან საქმეთა მინისტრის, გიორგი მღებრიშვილის 25 იანვრის ბრძანებით სამსახურიდან დათხოვნილია. მათ უფლებებს სასამართლოში ადვოკატი დავით ჯაფარიძე იცავს. როგორც მან ჟურნალისტებს განუცხადა, აჭარის პროკურატურა საკითხის მოკვლევას აჭიანურებს. როგორც აქციის მონაწილეები აცხადებენ, თუ კი გათავისუფლებულ თანამშრომლებს სამსახურში არ აღადგენენ, სამაშველო სამსახური პარალიზებული იქნება.შსს-ში განმარტავენ, რომ აღნიშნული 4 პირი სამსახურიდან დათხოვნილია გენერალური ინსპექციის დასკვნის საფუძველზე.”2017 წლის 3 იანვარს ბათუმის საქალაქო სასამართლოს მიერ ოთხივე პირი ცნობილი იქნა სამართალდამრღვევად ადმინისტრაციულ სამართალდარღვევათა კოდექსის 45-ე მუხლით და სახდელის სახით თითოს 500-ლარიანი ჯარიმა შეეფარდა. 45-ე მუხლი ითვალისწინებს ნარკოტიკული საშუალების გასაღების მიზნის გარეშე მცირე ოდენობით უკანონოდ შეძენას ან შენახვას ან ნარკოტიკული საშუალების ექიმის დანიშნულების გარეშე მოხმარებას”, - ვკითხულობთ შსს-ს მიერ მოწოდებულ პასუხში.
17
s
s
s