08, დეკემბერი 2017 17:05:00
ქედაში საგზაო მიმოსვლა ბათუმი ახალციხის მაგისტრალის სამივე ლოკაციაზე აღდგენილია. მუნიციპალიტეტში დილიდან 17 ერთეული მძიმე ტექნიკა მუშაობს. მიწის მასისგან იწმინდება ასევე სოფელ ზვარესა და ზუნდაგის საავტომობილო გზები, სადაც მეწყერი ჩამოწვა. გაწმენდითი სამუშაოები მიმდინარეობს ასევე ვარჯანისში, გობრონეთში, ახოსა და ბალაძეებში. რაც შეეხება ელექტროენერგიის მიწოდების საკითხს, სოფლებში ენერგო პროს ჯგუფები მუშაობენ. დღეს უხვი ნალექის გამო ქედაში გადაადგილება მხოლოდ მაღალი გამავლობის ავტომობილებითაა შესაძლებელი. დაბაში თოვლის საფარი 10-15 სანტიმეტრია, მაღალ სოფლებში კი 70 სანტიმეტრს აღემატება. დიდთოვლობის გამო სასწავლო პროცესი ჩაიშალა ხარაულის სკოლაში
4
s
s
s