03, თებერვალი 2017 11:20:00
ბათუმის ონკოლოგიური ცენტრი ხვალ მოქალაქეებისთვის უფასო გამოკვლევებს ჩაატარებს. 18 წლის ზემოთ, ნებისმიერ დაინტერესებულ პირს შეუძლია გამოიკვლოს საკუთარი ჯანმრთელობა. ხვალ პაციენტებს მიიღებს სპეციალურად თურქეთიდან მოწვეული სპეციალისტი, ონკოლოგ-რადიოთერაპევტი. აქცია ერთდღიანია. ვიზიტები დილის 11-დან დაიწყება და 3 საათამდე იწარმოებს. უფასო გამოკვლევები აჭარის ონკოლოგიურმა ცენტრმა კიბოს წინააღმდეგ ბრძოლის საერთაშორისო დღესთან დაკავშირებით გადაწყვიტა.