11, დეკემბერი 2017 14:01:00
შინაგან საქმეთა სამინისტროს თანამშრომლებმა, სარფის სასაზღვრო პუნქტის მონაკვეთში საქართველოს 2 და უზბეკეთის 2 მოქალაქე საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ბრალდებით დააკავეს. გამოძიებამ დაადგინა, რომ ბრალდებულები, სასაზღვრო საკონტროლოს გვერდის ავლით, საქართველოს სახელმწიფო საზღვრის გადაკვეთას თურქეთის რესპუბლიკის მიმართულებით ცდილობდნენ. გამოძიება საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე მიმდინარეობს.