11, დეკემბერი 2017 20:05:00
სკოლაში აგრესიის დაძლევაში გარდატეხის შეტანა მხოლოდ მასწავლებლებს შეუძლიათ, ამისათვის საჭიროა მათი გაძლიერება და ავტორიტეტის ამაღლება - განაცხადა გიორგი მარგველაშვილმა. საქართველოს პრეზიდენტის თქმით, მანდატურის სამსახური სკოლაში სამართალდამცავი ვერ იქნება. მარგველაშვილმა საქართველოს პრემიერს და განათლების მინისტრს სკოლის რეფორმირებისაკენ მოუწოდა. აღნიშნული განცხადება საქართველოს პრეზიდენტმა საქართველოს საპატრიარქოში გააკეთა, სადაც თეოლოგიის მიმართულებით პირველი სადოქტორო დისერტაციის დაცვის საზეიმო აღნიშვნას დაესწრო. გიორგი მარგველაშვილი საპატრიარქოში პრემიერთან და ხელისუფლების სხვა წარმომადგენლებთან ერთად იმყოფებოდა.