13, დეკემბერი 2017 14:03:00
ჭაობის ქუჩების რეაბილიტაციის პროექტის ფარგლებში სრულდება ლუკა ასათიანის ქუჩის კეთილმოწყობა. ამ ეტაპზე ასფალტის საფარის მეორე ფენის დაგების სამუშაოები ქუჩის ბოლო მონაკვეთში მიმდინარეობს. პროექტის ფარგლებში, გამოიცვალა სანიაღვრე სისტემა და მოეწყო ბორდიურები. ასფალტის საფარის დაგების პარალელურად გრძელდება ტროტუარებზე დეკორატიული ფილების მონტაჟი. სამუშაოების ღირებულება 2 მილიონ 79 ათას 440 ლარს შეადგენს. დღეს ლუკა ასათიანის ქუჩაზე მიმდინარე სამუშაოები ბათუმის მერმა დაათვალიერა.