13, დეკემბერი 2017 17:02:00
„არ დაიჯერებ, თუ ვით სატრფო ხარ“ - ბათუმის სახელმწიფო უნივერსიტეტში ნიკოლოზ ბარათაშვილისადმი მიძღვნილი საჯარო ლექცია გაიმართა. პოეტის 200 წლისადმი მიძღვნილი საიუბილეო კვირეულის ფარგლებში შეხვედრა ილიას სახელმწიფო უნივერსიტეტის სტუდენტებმა და პროფესორმა ცირა ბაქრაძემ გამართა. მათ წარმოადგინეს პერფორმანსი და ისაუბრეს ბარათაშვილის არა მხოლოდ პოეზიაზე, არამედ ცხოვრებასა და სიყვარულის ისტორიაზე. შეხვედრა ციკლის „პოეტები და მუზები“ ფარგლებში შედგა.