13, დეკემბერი 2017 17:05:00
,,საერთაშორისო გამჭირვალობა საქართველოში“ პოლიტიკური პარტიების დაფინანსების კუთხით გამოკვეთილ კორუფციის ნიშნებზე საუბრობენ. არასამთავრობო ორგანიზაციაში ამბობენ, რომ 2017 წლის პირველი ივნისიდან 1 ნოემბრის ჩათვლით პარტიებმა დაფინანსებით სახით 15 მილიონ ლარამდე მიიღეს, საიდანაც 14 მილიონზე მეტი მხოლოდ "ქართულ ოცნებას" შეხვდა. მესამე სექტორში განმარტავენ, რომ 68 შემომწირველი იურიდიული პირიდან 61 "ქართული ოცნების" შემომწირველია და მხოლოდ 7-მა იურიდიულმა პირმა გაიღო შემოწირულობა "პატრიოტთა ალიანსის", "ეროვნული ფორუმისა" და "ევროპული საქართველოს" სასარგებლოდ. ორგანიზაცია აუდიტის სამსახურსა და პროკურატურას რეკომენდაციით მიმართავს, მეტი ყურადღება მიექცეს ,,პოლიტიკური კორუფციის კუთხით მაღალი რისკის შემცველი შემოწირულობების იდენტიფიცირების“ საკითხს.