14, დეკემბერი 2017 17:08:00
„ნაციონალური მოძრაობა“ ქობულეთის ოთხ საჯარო სკოლაში უხარისხოდ შესრულებულ სამუშაოებზე საუბრობს. როგორც ასმათ დიასამიძე ამბობს, ცეცხლაურის პირველ საჯარო სკოლის სპორტულ დარბაზს რეაბილიტაცია 2014 წელს ჩაუტარდა, თუმცა დღეს შენობა მოსწავლეებისთვის საფრთხეს წარმოადგენს. უმაღლესი საბჭოს დეპუტატი ცეცხლაურის მეორე საბაზო სკოლასა და კვირიკეს პირველ საჯარო სკოლაში არსებულ ხარვეზებზეც ამახვილებს ყურადღებას. ოჩხამურის დაწყებით საჯარო სკოლაში კი დიასამიძის განცხადებით, არ არის სველი წერტილი და ცენტრალური გათბობა. პარტიის წევრი მთავრობას მოუწოდებს ხარვეზები დროულად აღმოფხვრას. „ნაციონალური მოძრაობის“ განცხადებებზე განმარტებები გააკეთეს განათლების სამინისტროში.