14, დეკემბერი 2017 14:02:00
დიდი ოდენობით ფულადი თანხის თაღლითურად დაუფლების მცდელობის სამი ფაქტი გამოვლინდა. დაკავებულია დანაშაულში მხილებული 5 პირი. გამოძიებით დადგინდა, რომ ერთ შემთხვევაში, ბრალდებულებმა საქართველოს ოკუპირებული ტერიტორიებიდან იძულებით გადაადგილებული პირის ნდობა მოიპოვეს და მოტყუებით დაარწმუნეს იგი, რომ თანხის გადახდის შემთხვევაში, საკუთრებაში გადასცემდნენ საცხოვრებელ ფართს. დანარჩენ ორ შემთხვევაში კი დაპირდნენ, რომ დაეხმარებოდნენ სახელმწიფოს მიერ უსასყიდლოდ გადასაცემი საცხოვრებელი ბინის რიგგარეშე მიღებაში. ამ გზით მათ ჯამში 14 ათას 100 ამერიკული დოლარი აიღეს. მიმდინარეობს გამოძიება.