შაჰინის სკოლა-ლიცეუმის დირექტორი პრემიერ-მინისტრს მიმართავს. ელგუჯა დავითაძე გიორგი კვირიკლაშვილს სთხოვს, პირად კონტროლზე აიყვანოს ლიცეუმის ავტორიზაციის შეჩერების საკითხი და დაიცვას 340 მოსწავლის უფლება - მიიღონ უწყვეტი განათლება. ასევე დაიცვან მშობლებისა და პედაგოგების უფლებები. ანალოგიური წერილით ლიცეუმის დირექტორი საქართველოს განათლების მინისტრს და სახალხო დამცველსაც მიმართავს. ელგუჯა დავითაძე მიმართვაში აღნიშნავს, რომ 6 თურქი ეროვნების მოსწავლის თურქულიდან ქართულ სექტორზე გადაყვანა კანონდარღვევით არ ყოფილა, რადგან მსგავს საკითხებს არცერთი საკანონმდებლო ჩანაწერი არ არეგულირებს. თურქული სექტორის გაუქმება და მოსაწვლეების ქართულ სექტორზე გადაყვანა კი ავტორიზაციის საბჭოს ორი წლის წინ მიღებული გადაწყვეტილების საფუძველზე განხორციელდა. ლიცეუმში სასწავლო პროცესი მიმდინარეობს. ხელმძღავნელობას ავტორიზაციის საბჭოს გადაწყვეტილება ჯერ ოფიციალურად წერილობით არ ჩაბარებია. სახალხო დამცველმა საკითხზე კომენტარი უკვე გააკეთა.
1
s
s
s