25, იანვარი 2018 14:03:00
„განათლების ხელმისაწვდომობის გაზრდის“ პროგრამის ფარგლებში აჭარის განათლების სამინისტრო სტუდენტებისთვის დაფინანსების კონკურსს აცხადებს. მასში მონაწილეობა საბაკალავრო და სამაგისტრო საგანმანათლებლო პროგრამებზე ჩარიცხულ სტუდენტებს შეეძლებათ. კონკურსში მონაწილეობის მსურველებმა დოკუმენტაცია სამინისტროში უნდა წარადგინონ. განცხადებების მიღება 2018 წლის 12 თებერვლიდან დაიწყება და 2 მარტის ჩათვლით გაგრძელდება. დაფინანსება გაიცემა იმ სტუდენტებზე, რომლებიც არიან მაღალმთიანი აჭარიდან, დედით ან მამით ობოლი, უდედმამო, მრავალშვილიანი ოჯახის წევრზე და სოციალურად დაუცველ სტუდენტებზე.