13, თებერვალი 2018 17:03:00
საქართველოს მესამე პრეზიდენტის, უკრაინაში დაკავების ფაქტთან დაკავშირებით "ნაციონალურ მოძრაობაში" განცხადებები აქტიურად კეთდება. ოპოზიციაში მომხდარს უკანონო გატაცება და ყაჩაღური ქმედება უწოდეს. მმართველ გუნდში კი მომხდარს სამწუხაროს უწოდებენ. დეპუტატ ლადო მგალობლიშვილის შეფასებით, ქვეყნის ყოფილი პრეზიდენტი კომედიური ჟანრის პერსონაჟს ემსგავსება, ეს კი ქვეყნის იმიჯზე უარყოფით გავლენას ახდენს. შეგახსენებთ, მიხეილ სააკაშვილი კიევში, ქართულ რესტორანში გუშინ საღამოს დაახლოებით 5 საათზე დააკავეს.