„ნაცინალური მოძრაობა“ პროკურატურას მიმართავს. საქმე მწვანე კონცხზე გასხვისებულ 20 366 კვ. მ. მიწის ფართობს ეხება, საიდანაც ბიძინა ივანიშვილს მრავალწლოვანი ქაფურის ხეები გააქვს. მიწის ნაკვეთი აქ მთავრობის დადგენილებით 931 000 ლარად პირდაპირი მიყიდვის წესით, "ელიტ კონსტრაქშენ გრუპზე" გასხვისდა. ამ კომპანიის უკან კი ოპოზიციის ცნობით, ბიძინა ივანიშვილი დგას. ხელშეკრულების გაფორმებიდან 48 თვის ვადაში კომპანია ვალდებულია ტერიტორიაზე კომერციული, საოფისე, კვების დანიშნულების ობიექტები, ასევე სპორტული მოედანი და არანაკლებ 50 ავტომობილზე გათვლილი ავტოსადგომი მოაწყოს. განკარგულებას ხელს საქართველოს პრემიერ მინისტრი, გიორგი კვირიკაშვილი აწერს. ოპოზიციას ხელშეკრულების პირობები კორუფციული გარიგების ეჭვს უჩენს, ვინაიდან კომპანიას მიწის ფართობი დაბალ ფასად გადაეცა. ელგუჯა ბაგრატიონმა პროკურატურას თემით დაინტერესებით მიმართა და საქმის გამოძიება მოითხოვა.
17
s
s
s