14, თებერვალი 2018 14:06:00
ქედის მუნიციპალიტეტის საკრებულოში გენდერული თანასწორობის საბჭო იქმნება. შესაბამისი დებულება წარმომადგენლობითმა ორგანომ 13 თებერვლის სხდომაზე დაამტკიცა. საბჭოს შემადგენლობა საკრებულოს მომდევნო სხდომაზე, 23 თებერვალს განისაზღვრება. დებულების თანახმად, გენდერული საბჭო 5 წევრისგან დაკომპლექტდება. საბჭო კოორდინაციაში იქნება მერიის ადმინისტრაციული სამსახურის წარმომადგენელთან. სხდომაზე ასევე, განისაზღვრა უწყების „გენდერული თანასწორობის ხელშეწყობის მიზნობრივი პროგრამა“. მიმდინარე წელს მუნიციპალიტეტის მერია პროგრამას 5 300 ლარით დააფინანსებს.