19, თებერვალი 2018 17:02:00
აჭარის მთავრობის თავჯდომარე „აზიის განვითარების ბანკი“-ს წარმომადგენლებს შეხვდა. ზურაბ პატარაძისა და აზიის განვითარების ბანკის წარმომადგენელთა შეხვედრა 11-12 სექტემბერს ბათუმში დაგეგმილ ენერგოინვესტიციის ფორუმს შეეხებოდა, რომელიც CAREC-ის პროგრამის ფარგლებში უნდა გაიმართოს. ფორუმის მოსამზადებელი სამუშაოები და საპილოტე საინვესტიციო პროექტები - სწორედ ამ საკითხებზე იმსჯელეს ადმინისტრაციაში გამართულ შეხვედრაზე. მთავრობის აპარატის ინფორმაციით, აზიის განვითარების ბანკი საქართველოს ერთ-ერთი უმსხვილესი ფინანსური პარტნიორია, რომელსაც 2007 წლიდან 2017 წლის ჩათვლით 2,4 მილიარდი აშშ დოლარის პროექტები აქვს განხორციელებული.