20, თებერვალი 2018 14:08:00
ბათუმში აზერბაიჯანის გენერალური კონსულის პოსტზე ფარვიზ ჯაფარ ოღლუ ისმაილზადე დაინიშნა. შესაბამის ბრძანებას აზერბაიჯანის პრეზიდენტმა ხელი 19 თებერვალს მოაწერა. ისმაილზადე მანამდე არაბთა გაერთიანებულ საამიროებში, დუბაიში მუშაობდა აზერბაიჯანის გენერალური კონსულის პოსტზე. შეგახსენებთ, ილჰამ ალიევმა ბათუმიდან ყოფილი კონსული რაშად ისმაილოვი რამდენიმე დღის წინ გაიწვია. მაშინ, აზერბაიჯანის პრეზიდენტმა კიდევ რამდენიმე დიპლომატს შეუწყვიტა უფლებამოსილება, მათ შორის ელჩებს იორდანიაში, საუდის არაბეთში, ყატარსა და ინდოეთში.