01, მარტი 2018 17:08:00
საზღვაო ტრანსპორტის სააგენტოს დირექტორმა, მამუკა ახალაძემ თანამდებობა დატოვა. ახალაძე აცხადებს, რომ წასვლის შესახებ გადაწყვეტილება თავად მიიღო და შესაბამისი განცხადებაც უკვე დაწერა. სააგენტოს ყოფილი ხელმძღვანელის განმარტებით, იგი შორეულ ნაოსნობაში დაბრუნებას გეგმავს. მამუკა ახალაძე საქართველოს ეკონომიკისა და მდგრადი განვითარების სამინისტროს, საზღვაო ტრანსპორტის სააგენტოს დირექტორის პოსტს 2012 წლიდან იკავებდა. სააგენტოს ხელმძღვანელის მოვალეობას, სავარაუდოდ ახალაძის ერთ-ერთი მოადგილე შეასრულებს.