15, მარტი 2018 17:02:00
ქართული არტილერია 25 წლის იუბილეს აღნიშნავს. ღონისძიების ფარგლებში 53-მა წვევამდელმა სამხედრო ფიცი დადო და საქართველოს შეიარაღებულ ძალებს შეუერთდა. ვაზიანში, I საარტილერიო ბრიგადის სამწყობრო მოედანზე საქართველოს თავდაცვის მინისტრმა ქართველ არტილერისტებს პროფესიული დღე პირადად მიულოცა. ლევან იზორიას თქმით, მიმდინარე წელს ქართული არტილერიის ბრძოლისუნარიანობის ამაღლების თვალსაზრისით მნიშვნელოვანი რეფორმებია დაგეგმილი. ამჟამად შეიარაღებული ძალების ყველა საარტილერიო ქვედანაყოფში მიმდინარეობს სტრუქტურული რეორგანიზაცია, რის შედეგადაც ყველა ბატალიონში ერთნაირი სტრუქტურა ჩამოყალიბდება.
1
s
s
s