31, მარტი 2018 20:43:00
პედაგოგების პროფესიული განვითარებისა და გაკვეთილების უკეთ დაგეგმვის მიზნით, მასწავლებელთა სახლი სამუშაო შეხვედრებს განაგრძობს. 4 დღის განმავლობაში სახვითი და გამოყენებითი ხელოვნების, ბუნებისმეტყველებისა და მათემატიკის მასწავლებლები გადამზადდებიან. შეხვედრაში მონაწილეობისათვის პედაგოგი 0,5 კრედიტქულას მიიღებს. ვორქშოფებს ბათუმის მასწავლებლის სახლის ტრენერები ატარებენ. სამომავლოდ მასწავლებელთა სახლი პედაგოგებისთვის მასტერკლასებსაც გეგმავს, რომელსაც შვეიცარიაში მცხოვრები ქართველი ექსპერტები ჩაატარებენ.