06, აპრილი 2018 14:11:00
სახალხო დამცველის აპარატი მინდელის შახტში მომხდარი უბედური შემთხვევის გამოძიებას მონიტორინგს გაუწევს, - ამის შესახებ ჟურნალისტებს ნინო ლომჯარიამ უთხრა. სახალხო დამცველი აღნიშნავს, რომ წარმოებაში მომხდარი უბედური შემთხვევების შესახებ დაწყებული გამოძიების გაჭიანურებისა და გამოძიების ფარგლებში შედეგის დადგომის პრობლემა იკვეთება. ნინო ლომჯარიას შეფასებით, მნიშვნელოვანია, რომ დაწყებული გამოძიების დროულად და ეფექტიანად წარმართვა მოხდეს. რაც შეეხება სტატისტიკას, 2018 წლის გასულ სამ თვეში საწარმოო უბედური შემთხვევების შედეგად, ქვეყნის მასშტაბით, სამუშაო ადგილზე დაიღუპა 18 ადამიანი და მძიმედ დაშავდა 12.