07, აპრილი 2018 20:37:00
მარტოხელა დედები - ქალები რომლებზეც არავინ ზრუნავს. წლებია ქვეყანაში მარტოხელა დედების პრობლემა დგას, თუმცა ამ კუთხით არსებული პრობლემები საჯაროდ დღემდე აღიარებული არ არის. ქვეყნის კანონმდებლობაში არ არსებობს ჩანაწერი, რომელიც მარტოხელა დედის სტატუსს განმარტავს. კანონი სახელმწიფოს არც ასეთი დედების სოციალურ კეთილდღეობაზე ზრუნვას ავალდებულებს. მარტოხელა დედები ომბუდსმენის გასული წლების ანგარიშებშიც მოექცნენ. რომელთა მიხედვითაც მარტოხელა დედის სტატუსის მქონე ადამიანები და მათი ოჯახები სიღარიბის მაღალ რისკ–ჯგუფებს მიეკუთვნებიან. პრობლემაა სტატუსის მიღებაც. ოფიციალური სტატისტიკით, ქვეყანაში მარტოხელა დედების რაოდენობა 31 000 აღწევს, თუმცა სტატუსით მხოლოდ 1455 დედა და არც ერთი მამა სარგებლობს.