11, აპრილი 2018 17:02:00
შუახევის მუნიციპალიტეტში დღეს კიდევ ერთი ახალი სკოლა გაიხსნა. ფურტიოში ახალი, თანამედროვე სტანდარტების შესაბამისი საჯარო სკოლის მშენებლობა აჭარის განათლების, კულტურისა და სპორტის სამინისტრომ უზრუნველყო. სკოლაში კეთილმოეწყო საკლასო ოთახები, ბიბლიოთეკა, კომპიუტერების კაბინეტი. სკოლა აღიჭურვა ახალი სასკოლო ინვენტარით. შენობა ადაპტირებულია შშმ პირთათვის. დაწესებულებაში ამ ეტაპზე 129 მოსწავლე სწავლობს და დასაქმებულია 33 პედაგოგი. შესაბამისი ინფორმაცია და ვიდეომასალა აჭარის მთავრობის პრესცენტრმა მოგვაწოდა.