12, აპრილი 2018 14:05:00
ახალი სასწავლო წლიდან მეორეკლასელებისთვის საგაკვეთილო პროცესი 5 წუთით შემცირდება. საქართველოს განათლების სამინისტროს გადაწყვეტილებით პირველიდან მეექვსე კლასამდე ახალი ეროვნული სასწავლო გეგმა ინერგება და ახალი სახელმძღვანელოები იქნება. შემოვა განსხვავებული საგნები. საშინაო დავალებები ნაკლები იქნება, აქცენტი კი საკლასო და სასკოლო აქტივობებზე გაკეთდება. ამ ეტაპზე სახელმძღვანელოების გრიფირების პროცესი მიმდინარეობს. აღნიშნული ცვლილებები იმ მიზანს ემსახურება, რომ საგაკვეთილო პროცესი მოსწავლეებისთვის გადატვირთული არ იყოს.