16, აპრილი 2018 17:11:00
„ერთიანი ნაციონალური მოძრაობის“ წევრის მირდატ ქამადაძის განცხადებით, შპს ‘’ბათუმის წყალში’’ კორუფციისა და ნეპოტიზმის ნიშნები იკვეთება. მისი მტკიცებით, ბათუმის მერიის აიპებში ყველაზე ჩაკეტილი სწორედ ეს კომპანიაა. ეს არის უწყება, რომელიც უარს აცხადებს, საკრებულოს წევრებს საჯარო ინფორმაცია მიაწოდოს, კერძოდ საშტატო ნუსხა, თანამშრომელთა სახელობითი სია და ხარჯვის შესახებ ინფორმაცია - აღნიშნა ქამადაძემ ბრიფინგზე. ბათუმის საკრებულოს დეპუტატის ინფორმაციით, დირექტორს კომპანიაში ფინანსურ მენეჯერად საკუთარი დისშვილი, ხოლო ტექნიკურ დირექტორად - ძმის შვილი ჰყავს.