02, მაისი 2018 14:06:00
ფინანსთა სამინისტროს საგამოძიებო სამსახურმა მედიკამენტების კონტრაბანდის ბრალდებით ერთი პირი დააკავა. უწყების ცნობით, გამოძიებით დადგინდა, რომ ბრალდებულმა, საბაჟო გამშვები პუნქტი „სარფის“ გავლით, მალულად, მისივე მართვის ქვეშ არსებულ ავტომანქანაში მოწყობილი სამალავით, საქართველოს ტერიტორიაზე შემოიტანა დიდი ოდენობით – ჯამში 33 დასახელების მედიკამენტი. შედეგად, ამოღებულია 6 470 ლარის ღირებულების კონტრაბანდული მედიკამენტები.