03, მაისი 2018 14:13:00
3 მაისს მსოფლიო პრესის თავისუფლების საერთაშორისო დღეს აღნიშნავს. 1991 წლის 3 მაისს აფრიკელმა ჟურნალისტებმა იუნესკო-სთან თანამშრომლობით ნამიბიის სემინარზე ცნობილი ,,ვინდჰუკის" დეკლარაცია მიიღეს. დეკლარაცია თავისუფალ, დამოუკიდებელ, პლურალისტურ მედიას განსაზღვრავს, როგორც დემოკრატიისა და ადამიანის ფუნდამენტური უფლებების აუცილებელ ფაქტორს. ორი წლის შემდეგ კი, 1993 წელს გაერო-ს გენერალურმა ასამბლეამ 3 მაისი მსოფლიო პრესის თავისუფლების დღედ გამოაცხადა. საზოგადოებრივი მაუწყებლის "აჭარის ტელევიზიისა და რადიოს" ორგანიზებით ბათუმში, ამ წუთებში პრესის თავისუფლების დღესთან დაკავშირებით კონფერენცია მიმდინარეობს. თემის დეტალებზე "მაცნეს" მთავარ გამოშვებაში ვისაუბრებთ.