03, მაისი 2018 17:02:00
შიდა ტურიზმის სტიმულირების მიზნით აჭარის ტურიზმის დეპარტამენტმა ახალი პროექტი დაიწყო. ღონისძიების ფარგლებში საქართველოს რეგიონებში სახელმწიფო უნივერსიტეტების სტუდენტები და ლექტორ–მასწავლებლები რეგიონის ტურისტულ პოტენციალს ეცნობიან. აჭარის, როგორც ოთხ სეზონზე დასასვენებელი ტურისტული ადგილის პოპულარიზაცია დღეს თელავის სახელმწიფო უნივერსიტეტიდან დაიწყო. აჭარის ტურიზმის დეპარტამენტის წარმომადგენლებმა უნივერსიტეტში შეკრებილ სტუდენტებსა და ლექტორ–მასწავლებელებს პრეზენტაცია ჩაუტარეს, სადაც დეტალურად იყო აღწერილი რეგიონის ყველა სამთო თუ საზღვაო ტურისტული პროდუქტი.