04, მაისი 2018 17:30:00
24 მარტს, ბათუმში, ჯელალ ქიქავასა და მის თანხმლებ ორ პირზე განხორციელებული ჯგუფური ძალადობის ბრალდებით 3 პირს საგამოძიებო ორგანომ ბრალი წარუდგინა. შინაგან საქმეთა სამინისტროს ცნობით, აღნიშნული პირები დაფიქსირებული არიან სამეთვალყურეო კამერების ჩანაწერებში. გამოძიების ფარგლებში გამოიკითხნენ ინციდენტის თვითმხილველები. ჩანაწერების შესწავლის შედეგად დადგინდა თავდამსხმელების შემთხვევის ადგილიდან მიმალვის მარშრუტიც. უწყების მიერ გავრცელებულ განცხადებაში ასევე, ნათქვამია, რომ საგამოძიებო მოქმედებების ფარგლებში, ჯელალ ქიქავა შესაბამისი უწყებით გამოძახებულ იქნა პოლიციაში, თუმცა მან გამოვლენილი პირების ამოცნობაზე უარი განაცხადა.