04, მაისი 2018 14:11:00
ბათუმის შემოვლითი გზის სამშენებლო სამუშაოებზე დასაქმებული მუშები გაიფიცნენ. აქციის მონაწილეები სამუშაო დროის გაზრდას და შრომისთვის შეუსაბამო ანაზღაურებას აპროტესტებენ. მიაჩნიათ, რომ მათი უფლებები ირღვევა. აქციას უფლებადამცველი თამაზ ბაკურიძეც ესწრებოდა. იგი საქართველოს საავტომობილო გზების დეპარტამენტს დროული რეაგირებისკენ მოუწოდებს. შემოვლითი გზის სამშენებლო სამუშაოებს კომპანია „ფოლათ იოლ იაფი სანაიი ვე თოჯარეთის“ საქართველოს ფილიალი ასრულებს. თემის დეტალებზე "მაცნეს" მთავარ გამოშვებაში ვისაუბრებთ.